Agjensia Hapësinore e Kinës, bëri të ditur se janë duke e përgatitur një ekip prej tre personazhesh, për ta përfunduar punën në stacionin e tyre në orbitën hapësinore.
Ekuipazhi i Shenzhou 14 do të kalojë gjashtë muaj në stacionin Tiangong, ku do ta mbikëqyrë shtimin e dy moduleve laboratorike, për t’u bashkuar me hapësirën kryesore Tianhe që u lansua në prill 2021, raporton AP.
Anija kozmike do të niset të dielën në mëngjes rreth orës 10:44 nga qendra satelitore Jiuquan, e cila gjendet buzë të shkretëtirës Gobi.
Programi hapësinor i Kinës nisi astronautin e saj të parë në orbitë në 2003, duke e bërë Kinën vendin e tretë që e bën këtë, pas ish-Bashkimit Sovjetik dhe SHBA-së.
Vitin e kaluar kanë dërguar robotë të llojit rover në Hënë, dhe po ashtu kanë vendosur një në Mars.
Kina ka kthyer mostrat hënore në tokë, dhe kështu janë shfaqur diskutimet për një mision të mundshëm të ekuipazhit në Hënë.
Programi hapësinor i Kinës drejtohet nga krahu ushtarak i Partisë Komuniste në pushtet, Ushtria Çlirimtare Popullore, duke bërë që SHBA ta përjashtojë atë nga Stacioni Ndërkombëtar i Hapësirës.
Chen, Liu dhe Cai do të bashkohen në fund të misionit të tyre për tre deri në pesë ditë nga ekuipazhi i ardhshëm i Shenzhou 15, duke shënuar kështu herën e parë që stacioni do t’i ketë gjashtë persona në bord.