Kina: Pavarësia e Tajvanit do të shkaktonte luftë

Kina ka paralajmëruar Shtetet e Bashkuara të Amerikës se çdo përpjekje për ta bërë Tajvanin të pavarur nga shteti kinez, do të shkaktojë aksione ushtarake ndaj forcave të Pekinit

Ilustrim

Ministri kinez i Mbrojtjes, Wei Fenghe, është takuar me homologun e tij amerikan, Lloyd Austin në margjinat e samitit aziatik të sigurisë në Singapor.

Wei u shpreh në takim se në qoftë se do bëhej ndarja e Tajvanit nga Kina, atëherë ushtria kineze nuk do të kishte asnjë zgjidhje tjetër veçse të “luftonte me çdo kusht”.

Homologu amerikan, Lloyd Austin e ka quajtuar aktivitetin ushtarak kinez si provokues ose destabilizues.

Austin, ka thënë se ka një numër rekord të avionëve kinez që fluturonin afër ishullit, pothuajse çdo ditë kjo e cila “gërmon paqen dhe stabilitetin në rajon”.

Kina e sheh Tajvanin si një pjesë integrale e territorit të tyre.

Një zëdhënës kinez ka thënë se “”Nëse dikush guxon të ndajë Tajvanin nga Kina, Ushtria Çlirimtare Popullore Kineze (PLA) nuk do të ketë zgjidhje tjetër veçse të luftojë me çdo kusht dhe të shtypë çdo përpjekje për ‘pavarësinë e Tajvanit’ dhe të mbrojë sovranitetin kombëtar dhe integritetin territorial”, raporton BBC.

Austin ka thënë se SHBA-të ishin të përkushtuara për të ruajtur statusin duke njohur Pekinin si qeverinë e vetme të Kinës dhe duke kundërshtuar pavarësinë e Tajvanit.

Sekretari i Mbrojtjes i SHBA Lloyd Austin pati takimin e tij të parë ballë për ballë me Wei Fenghe të Kinës

Sipas tij nuk do të bëhet asnjë përpjekje për të zgjidhur tensionet me forcë.

Ky ishte takimi i parë i shefave të mbrojtjes të Shteteve të Bashkuara të Amerikës dhe Kinës, ku ky takim zgjati gati një orë, në samitin e sigurisë Shangri-La Dialogue.

Wei ka thënë se bisedimet “shkuan pa probleme” dhe të dyja palët i përshkruan ato si të përzemërta.

Ndërkaq, homologu amerikan, Lloyd Austin ka folur për rëndësinë e mbajtjes së linjave plotësisht të hapura të komunikimit me ushtrinë kineze, për të shmangur çdo keqkuptim.

Shija e redaktorit

Hysni Gucati, kryetar i ri i OVL-UÇK-së

Delegatët Kuvendi i pestë zgjedhor i Organizatës së Veteranëve të Luftës së Ushtrisë Çlirimtare të Kosovës, ia kanë besuar një mandat 4 vjeçar Hysni...

Walker: Ajo çka ndodhi në Reçak, ndryshoi Ballkanin

Ish-shefi i Misionit Verifikues të OSBE-së në Kosovë, ambasadori William G. Walker, ka rikujtuar masakrën së Reçakut, duke e cilësuar atë si një moment...

“Reçak: Historia e një krimi lufte”, nga William G. Walker...

Edhe pak ditë na ndajnë nga dita kur libri “Reçak: Historia e një krimi lufte” nga William Walker-i do të shohë dritën e botimit,...

Të fundit nga rubrika