Ushtruesi i detyrës së kryetarit të Organizatës së Veteranëve të Luftës së UÇK-së, Faton Klinaku, përmes një postimi ka thënë se Gjykata Speciale është duke i vazhduar aksionet e bastisjeve.
Klinaku ka thënë se është informuar që është duke u bastisur shtëpia e bashkëluftëtarit të Calit, Behar Berisha.
“Sapo u informova se specialja ka filluar sërish bastisje në shtëpinë e bashkëluftëtarit të Calit, Behar Berisha”, ka thënë Klinaku.
Ndryshe, Gjykata Speciale së fundmi ka kryer disa bastisje që ndërlidhen me proceset gjyqësore që po kryhen në Hagë.
Në lidhje me këto bastisje, Klinaku ka thënë se secili që është cak i këtyre bastisjeve nuk duhet të lejojë t’iu preket diçka pa prezencën e tyre, pasi “ata janë në gjendje edhe t’ju montojnë prova duke i quajtur gjoja konfidenciale”.