Ushtruesi i detyrës së kryetarit të OVL e UÇK-së, Faton Klinaku, ka kritikuar kryeministrin e Kosovës, Albin Kurtin, për situatën e krijuar në veri të Kosovës, duke përshirë edhe kidnapimin e tre policëve të Kosovës nga forcat speciale serbe në veri të vendit.
Sipas Klinakut, Kurtit të gjithë i kanë faj, edhe ish-presidenti Hashim Thaçi që gjendet në burg. Klinaku, gjithashtu, e ka kritikuar për mbledhjen e Këshillit të Sigurisë që u mbajt gjatë ditë së enjte(sot), e cila sipas tij duhej të bëhej më një format tjetër.
“1. Të gjithë t’kanë faj ty, e edhe Thaçi në burg, e mundohesh ta mashtrosh publikun duke mos i treguar se Kosova është shtet mbi bazën e pakos së Ahtisaarit e që edhe ti je kryeministër i saj;
- Po t’ishe serioz, mbledhje e Këshillit të Sigurisë bëhet me tjetër format, ose së paku informohen edhe të tjerët për këtë;
- Serbia nuk i frikësohet një kryeministri përçarës dhe shkelës i shtresave të ndryshme të shoqërisë;
- Ka rrezik që edhe në rast të luftës, ty nuk të besojnë ata që do të luftojnë;
- Lësho rrugë e të zgjedhjet një kryeministër i unitetit, e pastaj e sheh ti se a frikësohet Serbia”, ka shkruar Klinaku në Facebook.