Jurgen Klopp përshëndeti fitoren 6-1 të Liverpoolit ndaj Leeds si performancën e tyre më të mirë të sezonit, ndërsa shpalli agimin e një Liverpool “të ri”.
Kjo ishte fitorja e parë e Liverpool-it në të gjitha garat qëkur mposhti Manchester Unitedin 7-0 në fillim të marsit.
Klopp ishte më i interesuar të shikonte pamjen më të gjerë, sesa të fokusohej në atë se ku do ta përfundojë skuadra e tij këtë sezon. Ai shpreson se kjo lloj paraqitjeje në formacionin e ri do të jetë fillimi i diçkaje emocionuese.
“Ku do të përfundojmë, nuk e di. Por do të vazhdojë pas sezonit. Kjo është arsyeja pse ne kemi nevojë për të gjitha rezultatet dhe paraqitjet për t’u ndërtuar dhe kuptuar, në mënyrë që të mund të ndërtojmë diçka të re, diçka pak më ndryshe”, ka thënë Klopp për Sky Sport.
Klopp ishte veçanërisht i kënaqur me mënyrën se si Liverpooli kundërpresionoi Leeds-in, me katër golat e tyre të parë që erdhën nga situata ku ata e kthenin topin dhe u hodhën përpara pa mëshirë, siç kanë bërë skuadrat më të mira të Liverpool-it nën këtë trajner.
“Ishte ndeshja më e mirë që kemi luajtur këtë sezon, nga shumë aspekte të ndryshme”, shtoi ai.
Leeds mbetet në mes të një prej humbjeve më të hapura në sezonet e fundit me vetëm shtatë ndeshje në ligë të mbetura. Rezultati mund të shërbejë si një goditje tjetër e dëmshme për shpresat e Leeds-it për mbijetesë pasi i njëjti pësoi në terrenin shtëpiak kundër Crystal Palace tetë ditë më parë.
Cody Gakpo shënoi golin e parë në minutën e 35-të, gol i cili u shoqërua nga një tjetër gol i Salah, 4 minuta më vonë.
Sa për Leeds United, ishte Sinisterra ai i cili i dha shpresë ekipit me një gol të shënuar në minutën e 47-të.
Megjithatë, ishin lojtarët e Liverpool-it ata të cilët vazhdonin të thellonin diferencën në mes tyre dhe Leedsa.
Diogo Jota shënoi në minutën e 52-të për t’u pasuar nga një tjetër gol i Salahut në minutën e 64-të. Diferenca u thellua akoma më shumë me një tjetër gol nga Jota në minutën e 73-të. Ndërkaq, koha e plotë e ndeshjes u mbyll me golin e shënuar nga Darwin Nunez në minutën e 90-të.