Nga 830 futbollistë në Kupën e Botës në Katar, 73 për qind e tyre luajnë me klubet evropiane, ka gjetur një analizë e listave të skuadrave.
Janë 13 kombe evropiane që garojnë në turneun, i cili fillon me 32 ekipe të dielën, duke përbërë vetëm 40 për qind të skuadrave që marrin pjesë në Kupën e parë Botërore që do të mbahet në Lindjen e Mesme.
Disa prej këtyre klubeve kanë fuqinë e yjeve për të luajtur në gara magjepsëse siç është Liga e Kampionëve, e cila ndihmon në rekrutimin e talenteve më të mirë jo-evropianë.
Argjentinasi Lionel Messi ka luajtur në Evropë gjatë karrierës së tij profesionale. Sadio Mané i Senegalit, i cili u përjashtua nga turneu këtë javë për shkak të një dëmtimi në këmbë, u zhvendos nga vendi i tij si adoleshent. Ndërsa Neymar u largua nga Brazili në moshën 21-vjeçare, para se të luante në një Kupë Botërore, raporton Al-Jazeera.
Një ndër pjesët që kanë ndihmuar në ngritjen e standardeve në Evropë ishin dhe lojtarët e huaj.
Kupa e Botës nënkupton gjithashtu rehati në shtëpi për shtatë lojtarët e përzgjedhur për vende të tjera përveç Katarit, të cilët luajnë për klubet në vendin pritës.
