Kompania ruse ofron shpërblime për ushtarët që i shkatërrojnë tanket Leopard

Ushtarët ukrainas qëndrojnë në tanket e tyre pranë qytetit të vijës së parë të Bakhmut, në mes të sulmit të Rusisë ndaj Ukrainës, në rajonin e Donetsk, Ukrainë, 13 janar 2023. REUTERS

Një kompani ruse tha se do të ofrojë pesë milionë rubla (72.000 dollarë) për ushtarët e parë që i shkatërrojnë ose i kapin tanket e prodhimit perëndimor në Ukrainë.

Siç shkruan Reuters, Kremlini u zotua se forcat ruse do të zhdukin çdo tank perëndimor të dërguar në Kiev.

Shtetet e Bashkuara, Gjermania dhe disa vende të tjera evropiane, janë pajtuar për t’i dërguar Ukrainës dhjetëra tanke të avancuara luftarake gjatë muajve të ardhshëm, për të ndihmuar në rritjen e kapacitetit ushtarak të vendit, derisa lufta po hyn në muajin e 12-të.

Vendimi i aleatëve të Kievit është kritikuar nga Kremlini si një përshkallëzim i rrezikshëm, ndërsa zëdhënësi Dmitry Peskov tha se tanket do të “digjen” në vijën e frontit.

Tani një kompani ruse – Fores, me bazë në Urale, e cila prodhon mjete për industrinë e energjisë – po ofron pagesa në para për ushtarakët rusë që “kapin ose shkatërrojnë” tanket Leopard 2 të prodhimit gjerman ose Abrams të prodhimit amerikan, ka shkruar edhe REL.

Kompania tha se do t’i paguajë pesë milionë rubla (72.000) dollarë ushtarit të parë rus që shkatërron tankun e parë dhe nga 500.000 rubla (7.200 dollarë) për të gjitha sulmet e mëvonshme.

Autoritetet ukrainase kanë thënë vazhdimisht se atyre u nevojiten 300 tanke, ndërkaq po përpiqen t’i dëbojnë forcat ruse nga territori i tyre.

Rusia ka shumë më shumë tanke se Ukraina, por modelet e tyre janë inferiore në disa aspekte kyçe ndaj modeleve perëndimore.

Si Rusia, ashtu edhe Ukraina, pritet të nisin ofensiva në javët e ardhshme, me tanke që pritet të luajnë një rol jetik në ato beteja, thanë ekspertët.

Shija e redaktorit

Ish Sekretari i OBI-së, Ekmeledin Ihsanoglu merr pjesë në Konferencën...

Ish Sekretari i Përgjithshëm i Organizatës për Bashkëpunim Islamik(OBI), Akademiku dr. Ekmeledin Ihsanoğlu po qëndron enkas në Kosovë për të marrë pjesë në Konferencën...

Në garë me shtëpi botuese nga gjithë Evropa, “Dukagjini” fiton...

Botimi shkollor “Edukatë muzikorë 3” i shtëpisë botuese “Dukagjini” ka triumfuar në garën ‘‘Grupi i Botuesve Evropianë për Arsim – EEPG, duke fituar çmimin...

“Respektohej nga Lindja e Mesme deri në ShBA” – Hoxhaj...

Ish-ministri i Punëve të Jashtme të Kosovës dhe aktualisht deputeti i PDK-së, Enver Hoxhaj, ka vlerësuar lart rolin e ish-myftiut dhe ish-ambasadorit Rexhep Boja,...

Të fundit nga rubrika