Komuna e Pejës përmes një njoftimi në Facebook, ka bërë të ditur se është bërë pranimi I kamionëve për grumbullimin e mbeturinave, në kuadër të skemës Gara për Mjedis të Pastër dhe Granti i Përformancës Komunale
Komuna e Pejës ka përfituar pesë kamionë në vlerë prej 1 milion e 135 mijë eurosh.
“Komuna e Pejës ka përfituar pesë (5) kamionë në vlerë prej 1,135,000.00 € për grumbullimin e mbeturinave, me mbështetje të GIZ-it të Qeverisë Gjermane, Banka Gjermane për Zhvillim (KfW) dhe Bashkimi Evropian,” shkruhet në njoftimin e komunës.
Sipas tyre, prioritet i komunës do të jetë riciklimi I mbeturinave dhe krijimi I kushteve moderne për qytetarët.
Ndërsa, përfituese e Garës për Mjedis të Pastër dhe Grantit të Performancës Komunale, ishte edhe Komuna e Ferizajt, me gjithsej, katër kamionë.
“Bashkë me Ministrin e MMPHI-së, Liburn Aliu, ministren e MZHE-së, Artane Rizvanolli, ministrin e MAPL-së, Elbert Krasniqi, Ambasadorin e Gjermanisë në Kosovë, Shkëlqësinë e Tij, Jorn Rohde, Përfaqësuesin e Zyrës së BE-së në Kosovë, Luigi Brusa, drejtorin e GIZ-it, David Oberhuber dhe kryetarët e komunave përfituese dorëzuam përkatësisht pranuam çelësat e 37 kamionëve për komunat përfituese nga kjo skemë mbështetëse,” ka shkruar kryetari i Komunës së Ferizajt, Agim Aliu, në një postim në Facebook.
Sipas Aliut, Ferizaji me flotën e automjeteve për grumbullimin e mbeturinave, hap një kapitull të ri të mirëmbajtjes së qytetit, duke u bazuar në teknologji dhe mjete të avancuara për grumbullimin e mbeturinave.
