Policia e Kosovës ka njoftuar se gjatë një operacioni të zhvilluar të premten në një fshat të Leposaviqit, ka konfiskuar një sasi të konsiderueshme armësh, municionesh, eksplozivësh dhe uniforma ushtarake.
Lidhur me këtë operacion, Policia ka paralajmëruar një konferencë për media që do të mbahet këtë të premte në orën 18:00, ku do të jepen më shumë detaje mbi rastin.
Në konferencë do të marrin pjesë ministri i Punëve të Brendshme, Xhelal Sveçla, drejtori i Policisë së Kosovës, Gazmend Hoxha, si dhe zëvendësdrejtori i Policisë për Mitrovicën e Veriut, Veton Elshani.