Ushtarët izraelitë luftuan kundër grupit islamik palestinez të Hamasit në rrugët e Izraelit jugor të dielën dhe filluan sulme hakmarrjeje që rrafshuan ndërtesat në Gaza, ndërsa në Izraelin verior një shkëmbim i shkurtër sulmesh me grupin militant Hezbollah të Libanit ngriti frikën për një më të gjerë konflikt, shkruan agjencia e lajmeve “Asociated Press”.
Teksa, luftimet dhe sulmet po hyjnw nw ditwn e dytw më shumë se 400 militantë palestinezë janë vrarë në jug të Izraelit dhe në Rripin e Gazës , dhe dhjetëra të tjerë janë kapur. Dhe të paktën 300 izraelitë janë vrarë dhe dhjetëra janë rrëmbyer.
Siç, shkruan Reuters gjatë natës, sulmet ajrore izraelite kishin goditur blloqet e banesave, tunelet, një xhami dhe shtëpitë e zyrtarëve të Hamasit në Gaza, duke vrarë më shumë se 300 njerëz, duke përfshirë 20 fëmijë, ndërsa kryeministri Benjamin Netanyahu u zotua për “hakmarrje e madhe për këtë ditë të ligë”.
Në jug të Izraelit, personat e armatosur të Hamasit po luftonin ende forcat izraelite të sigurisë 24 orë pas një sulmi të befasishëm, të shumëfishtë gjatë një breshërie raketash të shpërthyer përmes barrierave të sigurisë dhe bazave të ushtrisë për të dërguar qindra luftëtarë në qytetet e afërta.
Ushtria izraelite tha se kishte rimarrë kontrollin e shumicës së pikave të infiltrimit, kishte vrarë qindra sulmues palestinezë dhe kishte marrë dhjetëra të tjerë robër, por ende po luftonte në disa vende.
Më tej ata theksuan kanë vendosur dhjetëra mijëra ushtarë në zonën përreth Gazës, një rrip i ngushtë që është shtëpia e 2.3 milionë palestinezëve dhe planifikoi të evakuonte të gjithë izraelitët që jetonin rreth kufirit të territorit.
