Kryeparlamentari Glauk Konjufca është takuar me delegacionin e Komisionit Parlamentar për Integrime Evropiane nga Kroacia, përkatësisht me deputetin Domagoj Hajduković, i cili është kryetar i Komisiont për Çështje Evropiane, deputeten Ermina Lekaj Prljaskaj, kryetare e Grupit Parlamentar të Miqësisë Kroaci-Shqipëri dhe Gabriela Kuharić Kojić, këshilltare në Komisionin për Çështje Evropiane.
Përmes një shkrimi në Facebook, Konjufca tregoi se i ka falënderuar deputetët për rolin e tyre në “forcimin e miqësisë së ndërsjellë, si dhe u zotuam për thellimin e mëtejmë të bashkëpunimit dhe shkëmbimit të përvojave parlamentare”.
Kryeparlamentari Konjufca theksoi bashkëpunimin e mirë që e ka Kosova me shtetin e Kroacisë.