Kosova ka vazhduar edhe të premten me fitore të medaljes së gjashtë, në Lojërat Mesdhetare “Oran 2022”.
Loriana Kuka, xhudistja nga Kosova, ka mposhtur në gjysmëfinalen kundërshtaren e saj kroate, Petrunjela Paviq, për të siguruar kështu medaljen e gjashtë për Kosovën.
Kuka pasi u kualifikua në finale të kësaj gare prestigjioze, ka siguruar medaljen e argjendtë, ndërsa më vonë sot do të luftojë për të artën.
Loriana ka dominuar plotësisht dhe vazhdimisht ka kërkuar hedhje. Fitoi me mbërthim.
Ajo brenda një kohe të shkurtër triumfoi me Ippon për të kaluar në gjysmëfinale. Ndërsa, në çerekfinale kaloi pa luftë.
Ndërkaq, Kuka në kategorinë mbi 78 kilogramë në çerekfinale e mposhti pa telashe garuesen nga Turqia, Nurcan Yilmaz.
Kurse, sportistët tjerë kryesisht patën paraqitje të zbehta në Lojërat Mesdhetare.
Sportistët në Lojërat Mesdhetare “Oran 2022”, të cilat kanë kanë fituar të artën, ishte Distria Krasniqi dhe Laura Fazliu, ndërsa të bronztën e kanë fituar Akil Gjakova dhe Floka Loxha në xhudo, si dhe Shpejtim Bajoku në boks.
Shpëtim Bajoku siguron medaljen në Lojërat Mesdhetare në “Oran 2022”
Laura Fazliu kalon në finale të Lojërave Mesdhetare, i siguron medalje Kosovës