Kombëtarja e Kosovës do të luajë dy ndeshje miqësore në muajin nëntor, e të cilat sipas Federatës së Futbollit të Kosovës do t’i shërbejnë përzgjedhësit Alain Giresse për të përgatitur ekipin për Kampionatin Evropian 2024, që nis në muajin mars të vitit të ardhshëm.
Miqësorën e parë “Dardanët” do ta luajnë më 16 nëntor në përballje me Armeninë, ndërsa më pas më 19 nëntor do të përballen me Ishujt Faroe.
Me Ishujt Faroe, dardanët janë përballur edhe më parë.
Të dyja ndeshjet do të zhvillohen në stadiumin “Fadil Vokrri” në Prishtinë, ka njoftuar FFK përmes një postimi në rrjetin social Facebook.
Vlen të theksohet se Kosova ditë më parë ka mësuar rivalët për kualifikimet e Euro 2024, që bën pjesë në Grupin I, së bashku me Zvicrën, Izraelin, Rumaninë, Bjellorusinë dhe Andorrën.
Ndërsa ndeshjen e parë, Dardanët do ta luajnë si mysafirë kundër Izraelit, ndeshje kjo që zhvillohet më 25 mars. Pra, në mars të vitit të ardhshëm Kosova nisë kualifikimet për Evropian.