Kosova përfiton ilaçin më të shtrenjtë në botë, e merr një fëmijë dy vjeçar

Një fëmijë nën moshën dyvjeçare ka marrë ndër ilaçet më të shtrenjta “Zolgensma”. Në Pediatri është aplikuar kjo terapi për trajtimin e sëmundjes së atrofisë spinale muskulare. Kjo është hera e parë që kjo terapi gjenetike është dhënë në Kosovë, e cila ka vlerën rreth dy milionë e 125 mijë dollarë.

Shefi i repartit të Neurologjisë në Pediatri, Naim Zeka, tregon procedurat që kanë ndjekur për të fituar terapinë falas nga kompania “Novartis”.

Sipas tij, ky ilaç pritet të bëjë revolucion në trajtimin e kësaj sëmundje.

Ai, në intervistën për KosovaPress, thotë se kjo sëmundje është e rrallë dhe vdekjeprurëse.

Teksa flet për aplikimin që kanë bërë në kompaninë zvicerane, Zeka thekson se procedurat kanë nisur para më shumë se një viti. Shefi i shërbimit të neurologjisë pediatrike thotë se terapia e aplikuar është më e shtrenjta në botë.

Në Pediatri trajtohen tetë fëmijë me sëmundjen e atrofisë spinale muskulare. Doktor Naim Zeka potencon nevojën e detektimit të hershëm, gjë që i mungon Qendrës Klinike Universitare.

Për aplikimin e ilaçit më të shtrenjtë në botë, janë zhvilluar dy cikle të trajnimit përmes stafit qendror të kompanisë “Novartis”.

Para aplikimit të terapisë, stafi i repartit të Pediatrisë janë pajisur me certifikata, ku kompania i ka autorizuar për të bërë trajtimin e fëmijëve me këtë terapi.

Kosova përfiton ilaçin më të shtrenjtë në botë, e merr një fëmijë dy vjeçar

Shija e redaktorit

Të martën “Dukagjini” promovon librin “Kape Lepurin” të Lana Bastašić-it

Hamza: Me Fondin e Papunësisë do t’i mbështesim të gjithë...

Shtëpia Botuese “Dukagjini” Promovon në Tiranë serinë e Lektyrave Shkollore

Të fundit nga rubrika

Bislimi në Poloni tregon se Kosova ka arritur progresin më të shpejtë në rajon

BE i reagon Qeverisë: Duhet zbatim i marrëveshjes jo vetëm deklarata

Hovenier: Edhe raportet ndërkombëtare edhe ato vendore tregojnë se sistemi i drejtësisë në Kosovë, shpesh shqipton dënime të buta

Sekuestrohet një Lamborghini në Prizren, vozitës ishte një fëmijë 11 vjeçar

Sërish dështon votimi i buxhetit në Prishtinë