Vleresimin nëse Kosova ka berë progres në 38 fusha e ka pranuar qeveria e Kosovës sot nga Komisioni Evropian.
Ambasadori i ri i BE-së në vendin tonë, zyrtarisht raportin e dorëzoi në qeveri, e në konferencën që pasoi, pati edhe lëvdata për Kosovën, por ato shkuan për politikën e jashtme dhe karshi qëndrimet e për luftën në Ukrainë.
Megjithatë, Kosovës iu kërkua angazhim më i madh në zbatimin e marrëveshjeve për stabilizimin e marrëdhënieve me Serbinë.
“Kemi progres të kufizuar në fushat që do të ia mundësonin Kosovës që t’i bëj ballë presionit të konkurueshmërisë në BE, sa i përket krahut të punës, investimeve në sektorin privat dhe në arsim. Po ashtu, Kuvendi është ballafaquar me sfida në ekzekutimin e kompetencave të veta me procese komplekse siç është zgjerimi, të gjitha palët duhet t’i lënë mënjanë dallimet e vat në mënyrë që të zbatohen ligjet që lidhen agjendën e BE-së nëse në të vërtetë kemi zotim të mirëfilltë në integrimin në BE”, ka deklaruar Aivo Orav – Ambasador i Be-së ne Kosovës.
Ndërkohë qe zv.kryeministri i Kosovës, Besnik Bislimi tha se raporti ka theksuar shumë fusha ku Kosova ka shenuar përmirësim, duke përmendur luftimin kundër korrupsionit e rritjen ekonomike.
Tutje Bislimi foli edhe për masat ndaj Kosovës, të cilat i konsideroi të padrejta, e për të cilat ambasadori Orav tha se Kosova duhet të ndërmarr veprime për të bindur shtetet për heqjen e tyre.
Raporti i vitit 2025 tregon se Kosova nga 38 fusha, ka shënuar progres polizitiv në katër prej tyre e që janë funksionimi i tregut ekonomik, doganës, punësimit dhe politikave sociale si dhe në sigurinë ushqimore.
Pak progres vendi ka shënuar në fushën e drejtësisë, lirisë dhe sigurisë, luftimin e krimit të organizmuar, politikave të transportit.