Ministria e Mbrojtjes e Kosovës ka konfirmuar për Dukagjinin se Kosova, Shqipëria dhe Kroacia sot do të nënshkruajnë një marrëveshje për të forcuar bashkëpunimin ushtarak, duke nënshkruar Deklaratën për Bashkëpunimin Trilateral Ushtarak në Tiranë.
Kjo deklaratë gjatë ditës pritet të firmoset nga ministrat e Mbrojtjes të tre vendeve: Ejup Maqedonci nga Kosova, Pirro Vengu nga Shqipëria dhe Ivan Anushiq nga Kroacia.
“Promovimi i bashkëpunimit në ngritjen e kapaciteteve të mbrojtjes dhe industrisë së mbrojtjes; Rritja e ndërveprueshmërisë përmes edukimit, trajnimit dhe ushtrimeve; Kundërveprimi ndaj kërcënimeve hibride dhe forcimi i qëndrueshmërisë strategjike; Ofrimi i mbështetjes së plotë për integrimin Euro-Atlantik dhe atë të mbrojtjes rajonale”, kanë thënë nga ministria se do të jenë pikat kryesore të kësaj marrëveshje.