Sot shënohet 17-vjetori i miratimit të Kushtetutës së Republikës së Kosovës, një dokument thelbësor që përcakton bazat juridike të shtetit.
Kushtetuta u ratifikua më 9 prill 2008 dhe hyri në fuqi më 15 qershor 2008, duke i dhënë Kosovës një kornizë të qartë ligjore për të drejtat dhe liritë themelore të qytetarëve.
Një pjesë e madhe e Kushtetutës është e bazuar në Planin e Martti Ahtisaarit, ish-presidentit finlandez, i cili siguroi të drejta specifike për grupet minoritare, si dhe garantoi një mjedis të sigurt për të gjithë qytetarët e Kosovës.
Kushtetuta përmban gjithsej 14 kapituj dhe 162 nene, që rregullojnë funksionimin e shtetit dhe mbrojtjen e të drejtave të qytetarëve.