Kryetari i Partisë Demokratike të Kosovës, Memli Krasniqi, ka bërë të ditur se ka pritur në takim deputetin kanadez, Kyle Seeback dhe bashkëshorten e tij, Fluturën.
“Në selinë e PDK-së kisha kënaqësinë që të pres dy mysafirë të veçantë – deputetin kanadez, që tashmë është bërë edhe dhëndërr i Kosovës, Kyle Seeback, si dhe bashkëshorten e tij, Fluturën,” shkruan Krasniqi.
Krasniqi njofton se gjatë takimit kanë diskutuar për raportet mes shtetit të Kanadasë dhe Kosovës.
E po ashtu thotë se janë krah i rëndësishëm i mbështetjes së shtetit dhe popullit.
“Me Kyle, i cili është anëtar i Grupit të Miqësisë me Kosovën, si dhe ministër në Hije për Tregti Ndërkombëtare, diskutuam për raportet mes dy shteteve tona dhe mundësitë e fuqizimit të këtyre raporteve. Kanada në përgjithësi, e Kyle në veçanti, janë krah i rëndësishëm i mbështetjes ndaj shtetit dhe popullit tonë. Faleminderit për vizitën, Kyle dhe Flutura,” shkruan Krasniqi.