Kryetari i Partisë Demokratike të Kosovës, Memli Krasniqi, ka pritur në takimi shefin e diplomacisë amerikanë në Kosovë, Jeff Hovenerin, ku sipas Krasniq-it ata kanë biseduar për situatën në Kosovës ku në veçanti i kanë biseduar për sigurinë në pjesë veriore të Kosovës.
“Në këtë takim diskutuam për zhvillimet e fundit politike në Kosovë, më theks të veçantë gjendjen e sigurisë në pjesën veriore të vendit dhe procesin zgjedhor në katër komunat atje”, ka shkruar Krasniqi.
“Ambasadorin Hovenier e informova për qëndrimin e PDK-së rreth këtij procesi. Ne i jemi përgjigjur Dekretit të Presidentes për këtë proces zgjedhor dhe në respektim të afateve dhe ligjeve kemi propozuar kandidatët tanë për kryetarë dhe asamblistë në katër komunat në veri” , ka shtuar ai.
Më tej, ai ka treguar pritjet e tij që i ka nga qeveria e Kosovës për zgjedhjet e Jashtëzakonshme në katër komunat veriore të Kosovës.
“Presim nga Qeveria dhe institucionet e Kosovës që të sigurojnë kushtet e favorshme për mbarëvajtjen e procesit zgjedhor. Garantimi i sigurisë për secilin qytetar të Republikës së Kosovës duhet të jetë prioritet kryesor”, ka përfunduar Krasniqi.