Përfaqësuesit e Odës së Afarizmit të Kosovës janë takuar me Odën Ekonomike të Malit të Zi në Pogoricë dhe biseduan për krijimin e linjave të komunikimit mes tyre dhe rritjen e bashkëpunimit në fushat me interes të përbashkët.
Skënder Krasniqi, kryetari i Odës së Afarizmit të Kosovës, ka uruar Nina Drakiq për përzgjedhjen e saj si Presidente e Odës Ekonomike të Malit të Zi. Krasniqi ka thënë se është i gatshëm të bashkëpunojë me Odën Ekonomike të Malit të Zi në fushat me interes të përbashkët.
Në këtë takim, palët janë dakorduar për organizime dhe aktivitete të përbashkëta me qëllim të bashkëpunimit mes bizneseve dhe implementimin e ideve që të kenë bashkëpunim më të madh.
Presidentja Drakiq falënderoi Kryetarin Krasniqi dhe përfaqësuesit e OAK-së për vizitën, dhe uroi që ky takim të jetë vetëm fillimi i bashkëpunimit të ngushtë në mes të dy odave.