Shteti i Kroacisë tashmë është duke festuar pasi nënkampionët e 2018-ës kanë fituar vendin e tretë në Kupën e Botës Katar 2022.
Kroacia arriti të triumfoj ndaj Marokut, kështu duke zënë vendin e tretë në Kampionatin Botëror në Katar 2022.
Pra, kroatët kanë mposhtur marokenët me rezultat 2-1, për të dalë e bronztë nga Kupa e Botës.
Kroacia duke rrëmbyer medaljen e bronztë në Kampionatin Botëror, është sukses i radhës i kroatëve, pasi fituan medaljen e argjendtë në Botërorin e vitit 2018 dhe të bronztën në vitin 1998.
Kroacia është zyrtarisht skuadra e tretë më e mirë botërore, pasi një goditje e shkëlqyer në pjesën e dytë nga Mislav Orsic i mposhti marokenët.
Kroacia ka humbur vetëm dy nga 14 ndeshjet e saj totale në dy turnetë e fundit të Kupës së Botës, kundër Francës në finalen e 2018 (2-4) dhe Argjentinës në gjysmëfinalen e këtij viti (0-3).