Protestës së mijëra bashkatdhetarëve në mbështetje të ish-krerëve të Ushtrisë Çlirimtare të Kosovës (UÇK) i është bashkuar edhe ish-gjenerali i UÇK-së, Kudusi Lame.
Ai ka kërkuar që shqiptarët të bashkohen në mbrojtje të vlerave të luftës.
Sipas tij, liderët e UÇK-së u mbyllen në bazë të akuzave të rreme.
“Jemi në mbrojtje të luftës sonë të lavdishme dhe të luftëtarëve që i kanë mbyllur me akuza të rreme në Hagë”, ka thënë Lame.
Më tej, ai ka kërkuar vëmendje të plotë në këtë proces, sepse ka synime që edhe shteti i Kosovës të konsiderohet me bazë kriminale.
“Ju kërkoj niveleve shtetërore në Prishtinë t’i kthejnë sytë nga Haga dhe të hedhin poshtë gënjeshtrën dhe shpifjen. Ju shtetarë të Kosovës duhet të kuptoni që kriminalizimi i luftës ka synim të konsiderojë me rrënjë kriminale edhe shtetin e Kosovës”, ka thënë gjeneral Lama.
Protesta në afërsi të Dhomave të Specializuara në Hagë do të vazhdojë deri në orën 13:00.