Kurdisja e ndeshjes Ulpiana – Vllaznia, aktivizohet edhe Prokuroria

Prokuroria Themelore në Prishtinë ka nisur veprimet e para për ndeshjen Ulpiana - Vllaznia, e konstatuar si e kurdisur

Ndeshja Ulpiana-Vllaznia

Prokuroria Themelore në Prishtinë ka nisur veprimet e para për ndeshjen Ulpiana – Vllaznia, e konstatuar si e kurdisur.

Lajmin e ka konfirmuar për TV Dukagjinin zëdhënësja e Prokurorisë, Laureta Ulaj.

“Ju njoftojmë se Prokuroria Themelore në Prishtinë ka autorizuar policinë në ndërmarrjen veprimeve hetimore, me qëllim të grumbullimit të provave dhe informatave lidhur me këtë çështje”, ka thënë ajo.

Komisioni i Garave i Federatës së Futbollit të Kosovës (FFK), të enjten pasdite, ka konstatuar se ndeshja e xhiros së 20-të, në Ligën e Parë, Grupi B, e fituar nga Vllaznia e Pozheranit, me rezultat 3:4 ndaj Ulpianës, ka qenë e kurdisur.

Komisioni ka vendosur që ndeshja të regjistrohet si e luajtur, por pikët dhe golat nuk do të shkruhen në tabelë.

Po ashtu, është inicuar procedurë disiplinore ndaj të dyja klubeve, personave zyrtarë të tyre dhe disa lojtarëve.

“Ndaj klubit të Ulpianës, ndaj personit zyrtar të Ulpianës, Meriton Isufi, ndaj lojtarëve, Ridon Llugiqi, Gentian Emini, Samet Rexhepi, ndaj klubit të Vllaznisë dhe ndaj personit zyrtar të Vallaznisë, Agron Pira”, shkruan në njoftim.

Shija e redaktorit

Laura Fazliu stoliset me medalje të bronztë në Linz Grand...

Xhudistja kosovare, Laura Fazliu, ka fituar medaljen e bronztë në Grand Prix Upper, që po mbahet në Austri. Medalistja olimpike shënoi tri fitore në...

ShSKUK: Mbi 17 mijë lindje u kryen gjatë vitit 2024

Shërbimin Spitalor dhe Klinik Universitar i Kosovës (ShSKUK) ka bërë të ditur se gjatë vitit 2024 janë kryer 17 mijë e 495 lindje në...

Përurohet investimi i Dukagjinit në shkollën “Lidhja e Prizrenit” në...

Fëmijët e nivelit parashkollor në shkollën “Lidhja e Prizrenit” në Pejë, kishin festë vetëm një ditë para ditës së mësimdhënësve të tyre. Atyre, iu është...

Të fundit nga rubrika