Anëtari i Lëvizjes Vetëvendosje në Komisionin Qendror të Zgjedhjeve (KQZ), Sami Kurteshi, ka sulmuar verbalisht gazetarët e pranishëm në Qendrën Komunale të Numërimit të mërkurën.
Kurteshi, i cili ndodhej në QNR për të ndjekur procesin e rinumërimit të votave të pavlefshme me postë, gazetarët i quajti “qen të mediave” dhe “media kriminale të vrasësve me pagesë”.
“Nuk merrna me ksi, na kemi fitu, na u kanë lëshu me media e me krejt dhe kemi fitu. Kësi qen të mediave që kanë shkru gjithçka domethënë s’i marr parasysh… Media kriminale që kanë një qëllim, me qit Vetëvendosjen keq. Jeni media kriminale të vrasësve me pagesë sikur qysh është… Jeni të instruktuar prej një krimineli që është vrasës i njerëzve, është përbaltës dhe ndihmës i vrasësve me pagesë”, iu ka thënë gazetarëve Kurteshi në QNR.