Ambasadori në largim i Shteteve të Bashkuara të Amerikës (SHBA), Jeffrey Hovenier, është pritur në takim nga kryeministri Albin Kurti.
Ky takim shënon përfundimin e mandatit të tij si përfaqësues diplomatik i SHBA-së në Kosovë.
Në një postim në X, Hovenier bëri të ditur se gjatë takimit është diskutuar për progresin që Kosova ka arritur gjatë periudhës së mandatit të tij dhe për bashkëpunimin mes dy vendeve.
Sipas tij, ky bashkëpunim i ngushtë mes Kosovës dhe SHBA-së është thelbësor për t’i mundësuar Shteteve të Bashkuara të avokojnë më efektivisht për integrimin e Kosovës në strukturat evropiane dhe euroatlantike.
“Sot kam zhvilluar një takim lamtumirës me kryeministrin Albin Kurti. Diskutuam progresin e Kosovës gjatë mandatit tim dhe bashkëpunimin e ngushtë që do t’i mundësonte Shteteve të Bashkuara të avokojnë në mënyrë më efektive që Kosova të zë vendin e saj të merituar në strukturat evropiane dhe euroatlantike”, ka shkruar HOVenier në X.