Albin Kurti ra në mashtrimin e komedianëve rusë por deri tani nga institucioni që udhëheq folën vetëm me anë të një pranimi me një postim në faqen e Qeverisë së Kosovës.
Por, nga kabineti i tij nuk kthyen përgjigje për televizionin në lidhje me hapat ose nëse dikush deri tani ka dhënë përgjegjësi përmes dorëheqjes apo edhe shkarkuar për këtë lëshim.
Ardian Arifaj, ish-zëvendës shefi i kabinetit të ish-presidentit Hashim Thaçi që kishin parandaluar një mashtrim të tillë, tregon se si veprohet në raste të tilla.
”Aranzhohen në mes dy kabineteve, më së pari kabinetet realizojnë lidhjen direkte, e thërrasin njëri-tjetrin, flasin përshëndetën, e vetëm kur janë gati atëherë të dy zyrtarët këtë rast presidentet i kalohet telefoni, dhe pastaj e vazhdojnë bisedën”, ka thënë Ardian Arifaj, Ish-zëvendës shefi i kabinetit të ish-presidentit Hashim Thaçi.
Kështu tha që kanë zbuluar atëherë që ndaj Thaçit, po provohet të bëhet një mashtrim i tillë.
Arifaj nuk dëshiron të komenton atë së si eventualisht kanë rënë pre kabineti i Kurtit, dhe thotë se mbetët vetëm në vullnetin e tyre dhe kryeministrit nëse do të marrë masa.
”Ajo i takon kabinetit me vendos me gjet se si ka ndodhë dhe si do e trajtojnë këtë, neve si qytetarë na mbetet me gjyku vetëm faktin që ka ndodh dhe me faktin se nuk duhet me u përsërit, dhe jo me faktin se ka ndodh por me çfarë tone është fol në atë bisedë”, ka thënë Ardian Arifaj, Ish-zëvendës shefi i kabinetit të ish-presidentit Hashim Thaçi.
Pikërisht për këtë edhe mori kritikat më të shumta kryeministri Kurti, jo se ra pre e mashtrimit por për përmbajtjen e bisedës me atë që mendonte se është presidenti i Letonisë.
Aty Kurti, kritikonte opozitën, mediat e madje edhe administratën amerikane për qasjen ndaj vendit por veçanërisht ndaj tij duke folur në disa raste në veten e parë, sikurse kur thotë se ‘të gjithë janë kundër tij për 4 vjet’.