Para se të fokusohemi në procedurën e sigurimit të Gashit, le t’i përgjigjemi pyetjes: A kalojnë të gjithë kryetarët/ministrat e jashtëm/kryetarët e Kuvendit dhe VIP-at e ngjashëm në skanerin në aeroportin e Shkupit gjatë vizitës apo tranzitit?
Më lejoni të bëj të njëjtën pyetje ndryshe: A është kontrolluar valixheja e Presidentes së Kosovës, Vjosa Osmani kur ka kaluar kufirin p.sh. të Bllacës?
Sipas asaj logjike, nesër Davkovës në kufi do t’i thuhet të hapë bagazhin e saj për të kontrolluar se nuk mban ajvar kur viziton manastirin e Prohor Pçinski?
Apo kërkimi i Osmanit sot duhet t’i mundësojë asaj një takim më të këndshëm nesër me nikoqirin në territorin serb, Vuçiqin?
Dhe së fundi, imagjinoni sikletin nëse një zyrtar në “Petrovec” të Shkupit do t’i kërkonte Vuçiqit që të hapte bagazhin e tij personal gjatë tranzitit.
Nuk dua as të harxhoj fjalë dhe të pyes nëse dikush e ka kontrolluar bagazhin e dorës së Lavrovit gjatë vizitës së tij në Samitin e OSBE-së në Shkup tetorin e kaluar.
Dëshira e kësaj Qeverie për të problematizuar marrëdhëniet me fqinjët e saj (me përjashtim të Serbisë) është e qartë që në ditën e parë. Synimi për të mbetur në prapavijë mbështetja e Vuçiqit është prioritet i dukshëm i VMRO-DPMNE-së dhe ZNAM-së. Për VLEN-in, ata vet duhet të tregojnë.
Prishja e marrëdhënieve me Kosovën, që është synimi kryesor me poshtërimin e presidentit të shtetit, përforcon pyetjen nga titulli “Kush është truri i përpjekjes për të poshtëruar Vjosa Osmanin?”.