Ylli francez, Kylian Mbappe, në një intervistë në TF1 është pyetur në lidhje me mundësinë e tij për të fituar Topin e Artë, ai u përgjigj se është vështirë të flitet për një trofe individual dhe që vendimi mbi vlerësimin e tij varet nga preferencat e publikut.
Megjithatë, ai ka vlerësuar se plotëson kriteret e rëndësishme të lojtarit të shquar, si të bjerë në sy, të shënojë gola dhe të ketë ndikim në lojë. Ai beson se meriton të fitojë Topin e Artë, por pranon se votuesit kanë fjalën e fundit dhe është optimist për rezultatet.
“Topi i Artë? Është gjithmonë e vështirë të flasësh për një trofe individual, sepse duhet të vendosësh veten përpara. Është diçka që jo domosdoshmërish i shkon mirë publikut të gjerë. A e meritoj Topin e Artë? Me kriteret e reja, çfarë ka rëndësi? Të biesh në sy, të shënosh gola dhe të bësh ndikim? Mendoj se i plotësoj këto kritere. Unë do të thosha po, por janë njerëzit që votojnë dhe unë jam gjithmonë optimist”, ka thënë ai.
Sulmuesi i Paris Saint-Germain dhe kombëtares franceze, siç ka raportuar The Goal, pritet të mos jetë në garë për çmimet më prestigjioze individuale të futbollit në vitin 2023.
Lexo edhe: Mbappe mund të largohet nga PSG-ja këtë verë, pasi refuzoi vazhdimin e kontratës
Mbappe gjithashtu ndau refleksionet e tij për vitin e kaluar dhe sukseset me kombëtaren franceze. Ai ka thënë se do të kishte dashur të fitonte ndeshjen finale në Kupën e Botës me më shumë gola, por përkundër kësaj, ai e quajti një eksperiencë të vështirë për të parë e ngritur kupën.
“Çfarë mund të heq nga ky sezon me kombëtaren franceze? Kupa e Botës, sigurisht. Ishte e veçantë në atë periudhë të vitit. Ishte një moment përcaktues për të gjithë. Do t’i kisha ndërruar tre golat e mi në finale me një autogol dhe një fitore. Ne jemi konkurrentë, historia është për njerëzit që e tregojnë atë. Ne duam ta shkruajmë. Ishte e vështirë të kaloje kupën pa e ngritur atë”, ka shtuar Mbappe.
Lojtarë si Lionel Messi dhe Erling Haaland, të cilët fituan Kupën e Botës dhe realizuan suksese të shkëlqyera me skuadrat e tyre, janë favoritë për të fituar Topin e Artë.
Megjithatë, Mbappe ka pasur një vit të paharrueshëm me klubin dhe kombëtaren, duke shënuar 54 gola dhe duke fituar titullin e Ligue 1 me PSG.
Ai gjithashtu ka shënuar një hat-trick në Kupën e Botës 2022, edhe pse Franca humbi në ndeshjen finale.
Tani mbetet për t’u parë se ku do të luajë Mbappe futbollin e tij të klubit në sezonin 2023-2024. Fituesi i Kupës së Botës 2018 kishte informuar PSG-në se ai nuk do të aktivizojë një opsion zgjatjeje 12-mujore në kontratën e tij – që do të thotë se ai mund të bëhet agjent i lirë në vitin 2024 dhe mund të duhet të shitet këtë verë, ndërsa ende mund të kërkohet një tarifë e konsiderueshme për shërbimet e tij.