Përfaqësuesi i Posaçëm i Bashkimit Evropian për dialogun Kosovë- Serbi, Miroslav Lajçak, ka takuar të premten vonë presidentin serb, Aleksandër Vuçiq.
Ndërkaq, mëngjesin e së shtunës, Lajçak ka dalë me një deklaratë në rrjetin social Twitter, lidhur me bisedimet e vonshme në mes të të dyja palëve.
Ai e ka quajtur “të vështirë dhe të gjatë” diskutimin me Vuçiq, megjithatë sipas tij, ishte diskutim korrekt.
Tutje, Lajçak ka thënë se dhuna duhet të shmanget dhe ka shtuar se së bashku me Vuçiqin, janë pajtuar që të gjitha marrëveshjet e dialogut të mbahen dhe të zbatohen plotësisht.
“Diskutim i gjatë dhe i vështirë, por korrekt me presidentin Vuçiq. Mbështetem në sjelljen e përgjegjshme të të gjithëve për të treguar përmbajtje për sigurinë dhe stabilitetin. Dhuna duhet të shmanget. U pajtuam që të gjitha marrëveshjet e Dialogut duhet të mbështeten dhe të zbatohen plotësisht”, ka shkruar Lajçak në Twitter.
Long and difficult, but fair discussion with @predsednikrs @avucic last night.
I count on the responsible behavior of all to show restraint for security and stability. Violence must to be avoided.
Agreed that all Dialogue agreements have to be upheld and fully implemented. pic.twitter.com/8wUnW7nR0t
— Miroslav Lajčák (@MiroslavLajcak) November 5, 2022