Olimpiada e Parisit 2024 vjen këtë të martë me ditën e pestë të garave, por padyshim që për tifozët shqiptarë vëmendja do të jetë sërish te sporti i xhudos.
Pas Distria Krasniqit, e cila doli fituese e medaljes së argjendtë, Norës dhe Akil Gjakovës, në ditën e pestë do të garojë Laura Fazliu, një tjetër xhudiste kosovare.
Fazliu synon medaljen olimpike në “Paris 2024”.
Garuesja nga Kosova ka një përparësi për dallim nga Nora e Akil Gjakova, ngase njësojë si Distria Krasniqi është e kualifikuar direkt në raundin e dytë.
Distria Krasniqi fiton medaljen e argjendtë në Olimpiadën e Parisit 2024
Në kategorinë deri në 63 kilogramë, Fazliu do ta presë fituesin mes xhudistet nga Kina Tang ose asaj Filipine Watanabe.
Ndeshja e parë për Fazliun është e paraparë të zhvillohet pas orës 11:30 të mëngjesit.
Lojërat Olimpike Paris 2024 po mbahen nga data 26 korrik deri 11 gusht 2024 në Paris, Francë.
Nga ekipi kosovar kanë përfunduar ndeshjet Distria Krasniqi, e cila fitoi medaljen e argjendtë, Nora Gjakova ka përfunduar rrugëtimin në ndeshjen e parë dhe Akil Gjakova është renditur i 5-ti në kategorinë -73kg.
Më 30 korrik, këtë të martë, ndeshet Laura Fazliu, ndërsa më 1 gusht ndeshet Loriana Kuka.