Liga Pro Saudite është duke menduar se futbollisti argjentinas, Lionel Messi, mund të transferohet në një nga klubet e Arabisë Saudite, për t’u bashkuar me rivalin e vjetër Cristiano Ronaldo, kur koha e tij në Paris Saint-Germain të ketë mbaruar.
Ai mund të jetë 35-vjeçar, por Messi nuk tregoi shenja të ngadalësimit të karrierës së tij kur fitoi Kupën e Botës për herë të parë muajin e kaluar.
Ylli argjentinas fitoi Topin e Artë për lojtarin më të mirë në turne, madje sugjeroi se nuk do të tërhiqej ende nga ekipi kombëtar.
Nuk është çudi që raportet po lidhen me qëndrimin e tij në PSG për më shumë se kontrata e tij fillestare dyvjeçare, e cila do të skadojë në verë.
Ronaldo ka nënshkruar një marrëveshje 2 vjet e gjysmë me vlerë 200 milionë dollarë në vit me klubin Al Nassr, për të cilin, ai bëri debutimin e tij në ligë në një fitore 1-0 ndaj Ettifaq, të dielën.
Ndërsa, Messi është nën kontratë me Paris Saint-Germain deri në fund të këtij sezoni, dhe klubi francez është i prirur të zgjasë marrëveshjen e tij.
Por, zyrtarët e ligës saudite nuk po e fshehin dëshirën e tyre që përfundimisht ta kenë fituesin e Kupës së Botës të luajë në vendin e tyre. Pasi burimet e ESPN-së bëjnë të ditur se kur të vendosë të largohet, do të ketë klube të Pro Ligës Saudite në radhë për nënshkrimin e tij.
Tifozët e futbollit në kryeqytetin saudit të Riadit përjetuan njëherë ndjenjat se si mund të ishte të kesh të dy superyjet në ligën e tyre vendase kur dyshja u përballën javën e kaluar në një miqësore mes PSG-së dhe një ekipi të zgjedhur saudit të përbërë nga lojtarë nga Al Nassr dhe rivalët Al Hila, e që fitorja i takoi PSG-së me rezultat 5-4.
Sipas mediumit sportiv ESPN, thuhet se klubet saudite do të marrin ndihmë për të nënshkruar me lojtarët më të mirë nga Evropa, pas mbërritjes së Ronaldos në Al Nassr.
Messi mund të presë të fitojë një rrogë në Arabinë Saudite në përputhje me kontratën e madhe të Ronaldos, e cila e ka bërë kapitenin portugez futbollistin më të paguar në botë.
Klubet profesionale saudite lejohen të regjistrojnë shtatë lojtarë të huaj, por kufiri është vendosur të rritet në tetë në një përpjekje për të joshur më shumë lojtarë të huaj në ligë.