Aktivisti Politik nga Mitrovica e Veriut, Aleksandër Arsenijeviç i cili është lider i iniciativës qytetare “Mbijetesa Serbe”, është kërcënuar nga një zyrtar i Listës Serbe(LS) në Veri, në komunën e Mitrovicës së Veriut.
Ky kërcënimi i është bërë Arsnijeviç-it, pasi ky i fundit kishte bërë një denoncimi për një objekt i cili sipas tij është duke u ndërtuar pa leje.
“Inspektori Komunal më injoroi, më pas e thirra përsëri në telefon dhe i thashë se si qytetar doja të denoncoja një rast të një ndërtimi pa leje”, ka thënë Arsenijeviç.
Zyrtari i LS i kishte thënë “nëse më telefonon prapë si sot, do të shohësh se çfarë do të ndodhë”.
Arsenijveçi ka thënë se nuk është qytetari i vetëm që është kërcënuar nga LS, pasi sipas tij, ka dhe qytetarë të tjerë që janë kërcënuar nga kjo parti politike.
Ai ka kontaktuar Inspektorin Komunal me iniciale N.R. për ta denoncuar rastin për ndërtim me konstrukte metalike para objektit ku ndodhet selia e Listës Serbe.
Aktivisti ka treguar se për këtë ngjarje ai i ka njoftuar edhe Policinë, ndërsa Arsenijveçi është një ndër kundërshtarët më të mëdhenj të Listës Serbe.