Klubi nga Podujeva, Llapi ka konfirmuar transferimin e futbollistit mbrojtës brazilian, Fernando Augusto.
Llapi ka vazhduar me përforcime për të qenë sa më të fortë dhe më të kompletuar për garat evropiane dhe sezonin e ri në Superligën e Kosovës.
Zyrtarizimi i 28-vjeçarit erdhi me anë të faqes zyrtare të klubit Llapi, ku kanë konfirmuar kontratën njëvjeçare me lojtarin brazilian.
“Klubi jonë, KF Llapi njofton për arritjen e marrëveshjes një vjeçare me mundësi të vazhdimit edhe për një vit tjetër me mbrojtësin e majtë, brazilianin Fernando Augusto”, thuhet në njoftimin e klubit nga Podujeva, raporton Portali D.
Në vazhdën e përforcimeve, Llapi ka zyrtarizuar të mërkurën ardhjen e re, mbrojtësin brazilian Augusto.
Në njoftimin e klubit, po ashtu thuhet se 28 vjeçari ishte pjesë e disa skuadrave në Brazil, poashtu pjesë e Makedonija Gjorce Petrov për një sezon e gjysmë, me të cilët arriti të realizoj 7 gola e 12 asistime si dhe tek Pelister, ku arriti të realizoj 1 gol e 7 asistime.
KF Llapi në ndeshjen për Ligën e Konferencës do ta ketë me FK Budućnost Podgorica. Ndeshja e parë do të zhvillohet më 7 korrik kurse ajo e kthimit më 14 korrik.
Si dhe në fund SC Gjilani do të luajë ndaj FK Liepaja së Letonisë, një short më i favorshëm për Gjilanin se sa për rivalin e tyre lokal Dritën. /PORTALI D
Tashmë dihen kundërshtarët për garat evropiane për Dritën, Gjilanin dhe Llapin