MAShTI njofton për fillimin e mësimit të hënën

MAShTI ka njoftuar se janë bërë të gjitha përgatitjet e duhura që të hënë të fillojë viti i ri shkollor

Objekti i Ministrisë së Arsimit, Shkencës, Teknologjisë dhe Inovacionit (MASHTI)

Ministria e Arsimit, Shkencës, Teknologjisë dhe Inovacionit, përmes një postimi në Facebook, ka njoftuar të gjithë nxënësit dhe mësimdhënësit se të hënën e 3 tetorit do të fillojë mësimi në të gjitha nivelet e arsimit parauniversitar.

Përgatitjet për fillimin e vitit shkollor ishin bërë edhe para një muaji, por si pasojë e grevës mësimi nuk kishte filluar.

“MAShTI i kishte bërë përgatitjet e duhura që viti i ri shkollor të fillonte më 1 shtator kur, zyrtarisht, duhej të fillonte mësimi, por që kjo nuk u realizua për shkak të grevës së organizuar nga SBASHK”, shkruhet në postim.

Sipas njoftimit të MAShTI-t, të hënën do të formohet edhe grupi punues, i cili do të rishikojë Udhëzimin Administrativ për Kalendarin e vitit shkollor në bazë të të cilit edhe do të bëhen riplanifikimet në shkolla.

Ndër të tjera, thuhet se të gjitha tekstet shkollore janë shpërndarë në komuna e shkolla, sipas kërkesave të Drejtorive Komunale të Arsimit.

Shija e redaktorit

Ushtria amerikane numër 1 në botë, FSK e fundit në...

Kosova është me fat, sepse miku më i madh i saj, Shtetet e Bashkuara të Amerikës mbeten bindshëm larg fuqia më e madhe ushtarake...

Shtëpia botuese “Dukagjini” nesër promovon librin “Aneta: një epos heroinash”...

Për të gjithë ju, dashamirë të librit, ju njoftojmë që shtëpia botuese “Dukagjini, më datë 21 shkurt, ditën e premte, në orën 18:00, në...

Rama uron Kurtin me rastin e 17-vjetorit të shpalljes së...

Kryeministri i Republikë së Kosovës, Albin Kurti ka pranuar urime nga Kryeministri i Shqipërisë, Edi Rama me rastin e 17-vjetorit të shpalljes së Pavarësisë...

Të fundit nga rubrika