Ukraina ka dhënë përditësimin e saj të fundit mbi numrin e humbjeve që Rusia ka pësuar që nga fillimi i luftës.
Në raport thuhet se 34 mijë e 850 trupa ruse janë vrarë dhe tre mijë e 659 automjete të blinduara të personelit janë shkatërruar.
Pajisjet e tjera ushtarake që janë zhdukur përfshijnë 184 helikopterë, një mijë e 532 tanke dhe 217 avionë, shkruan Sky News.
Sipas statistikave të publikuara nga Ministria e Punëve të Jashtme të Ukrainës, bëhet e ditur se në 123 ditët e luftës, janë shkatërruar 99 sisteme të luftës kundërajrore dhe 139 raketa lundrimi.
Po ashtu, dy mijë e 564 automjete dhe rezervuare të karburantit konsiderohen të shkatërruara.
1️⃣2️⃣3️⃣ days of full-scale #Russia’s war on #Ukraine.
Information on #Russian invasion.
Losses of the Russian armed forces in Ukraine, June 26. pic.twitter.com/DWkGjhTfMK— MFA of Ukraine 🇺🇦 (@MFA_Ukraine) June 26, 2022
Ndryshe, presidenti ukrainas, Volodymyr Zelensky, kishte deklaruar se Ukraina do të luftojë për një fitore të përgjakshme, por pushtimi rus sipas Zelenskyt do të përfundojë me diplomaci.
Në intervistën televizive e cila shënoi përvjetorin e tretë të Presidentit të Ukrainës, ai ka thënë se kësaj lufte duhet që t’i vijë fundi.
“Ne nuk e filluam këtë luftë. Por ne duhet ta përfundojmë atë,” tha Zelensky në një intervistë që u transmetua të shtunën e 21 majit.
Sipas Zelenskyt, “fitorja do të jetë e përgjakshme në betejë, por fundi do të jetë me diplomaci”.
Ai kishte thënë se dëshira e tij dhe e popullit është që gjithçka t’iu kthehet prapa.