Kryeministrja e Italisë, Georgia Meloni, do të qëndrojë të mërkurën në Shqipëri, ku do t’i vizitojë qendrat e migrantëve që do të drejtohen nga vendi i saj.
Me një marrëveshje me Romën, të nënshkruar në nëntor të vitit të kaluar, Tirana ra dakord që t’i pranojë azilkërkuesit e kapur në Detin Mesdhe dhe t’i strehojë ata derisa kërkesat e tyre të përpunohen.
Italia, ndërkohë, do të financojë ngritjen e qendrave të pritjes – njëra në Shëngjin, tjetra në Gjadër – si dhe do t’i paguajë shpenzimet për sigurinë dhe kujdesin mjekësor, raporton Top-Channel.
Në Shëngjin, ndërtimi i qendrës është afër përfundimit, ndërsa në Gjadër ende jo.
Qendrat do të mund të strehojnë maksimum 3.000 azilkërkues brenda një periudhe.
Marrëveshja është për pesë vjet dhe me të drejtë renovimi edhe për pesë vjet të tjerë.
Se kur do të nisë zbatimi i saj, nuk është ende e qartë.
Meloni dhe kryeministri i Shqipërisë, Edi Rama, pas vizitave në Shëngjin dhe Gjadër, pritet të zhvillojnë një konferencë për gazetarët.
Meloni nesër do t’i vizitojë dy qendrat e migrantëve në Shqipëri