Seanca e ditës së sotme në Kuvend e Shqipërisë është shoqëruar me tensione të shumta. Deputetët e opozitës fillimisht bllokuan foltoren me karrige, ndërsa më pas deputeti Ervin Salianji hodhi tymuese blu në sallë.
Pavarësisht nga rrëmuja e shkaktuar brenda sallës, pikat në rendin e ditës kaluan pa diskutim, direkt në votim. E ndërsa ajri rëndohej nga tymueset e hedhura nga deputeti Salianji, Lindita Nikolla lexoi të gjitha pikat, të cilat u miratuan nga deputetët e mazhorancës, shkruan “Euronews Albania”.
Deputeti Sali Berisha duket se pati probleme me frymëmarrjen, ai u largua për pak minuta nga salla, por u rikthye sërish.
Seanca e ditës së sotme përfundoi me miratimin e të gjitha vendimeve, të cilat ishin në rendin e ditës.