Ish-presidenti i Shqipërisë, Ilir Meta, e ka uruar kryetarin e ri të parlamentit të Maqedonisë së Veriut, Afrim Gashi, për pozitën e re.
Meta ka thënë se është besimplotë se Gashi me eksperiencën e tij parlamentare, ai do të dëshmojë lidership gjithëpërfshirës dhe bashkëpunues, pa dallim etnik e politik.
Sipas Metës, shqiptarët kanë rol kyç në stabilitetin dhe ardhmërinë evropiane të Maqedonisë së Veriut.
“Shqiptarët, si faktor shtetformues, të orientuar qartë nga BE dhe NATO, kanë një rol kyç për harmoninë ndëretnike, stabilitetin dhe ardhmërinë europiane të Maqedonisë së Veriut”, ka shkruar Meta në Facebook.
Tutje, Meta ka thënë se Gashi si kryetar i ri i kuvendit “do të garantojë të drejtat e opozitës në kuvend dhe pjesëmarrjen e saj të plotë në jetën institucionale dhe demokratike”.