Një zjarr shkatërrues në klubin e natës “Pulse” në Koçan të Maqedonisë së Veriut ka marrë jetën e 59 personave dhe ka plagosur mbi 150 të tjerë. Ngjarja tragjike ndodhi mëngjesin e 16 marsit, gjatë një koncerti me rreth 500 pjesëmarrës, kur mjetet piroteknike të ndezura brenda lokalit shkaktuan përhapjen e shpejtë të flakëve.
Krejt çfarë dihet deri tani për zjarrin vdekjeprurës në klubin e natës në Maqedoninë e Veriut
Zëvendëskryeministri i Maqedonisë së Veriut, Izet Mexhiti, në “Debat Plus”, ka theksuar se qeveria e kaluar kishte dhënë lejen për funksionimin e klubit dhe se hetimet po përfshijnë si administratën e mëparshme, ashtu edhe atë aktuale.
“Lejen e ka dhënë qeveria e kaluar. Në Ministrinë e Punëve të Brendshme janë marrë në pyetje edhe nga administrata e kaluar edhe e tashme. Jo për shkak se kush e ka dhënë licencën sepse dihet se kush, por të parë nëse janë ndërmarrë masat nga e tanishmja. Ndërsa dallimi qëndron në atë se në të kaluarën ka ndodhur; janë shkrumbuar pacientet në Tetovë, në autobusin e Bullgarisë… por asnjëherë nuk ka dhënë përgjegjësi dhe llogari asnjë dhe asnjë nuk është dënuar. Kjo tani ndryshon, ku vetëm dje dhe sot 20 persona janë thirrur në satin policor, dhe ndaj 11 personave janë ngritur aktakuza. Ndërkaq fjalën kryesore do të thotë gjyqësia dhe prokuroria”, ka thënë Mexhiti në Debat Plus.
Taravari: Gjendja e pacientëve nga tragjedia në Kooçan në klinikat e vendit është stabile
Për shkak të tragjedisë, Maqedonia e Veriut ka shpallur një javë zie kombëtare, ndërsa familjarët e viktimave kërkojnë drejtësi.