Vazhdojnë rinovimet e kontratave me Real Madridin . Fillimisht ishte Modric, pastaj Vinicius, më vonë Rodrygo dhe tani i fundit që hipi në trenin e zgjatjes së kontratës është Eder Militao .
Qendërmbrojtësi dhe drejtuesit e Real Madridit kanë rënë dakord për të përmirësuar dhe zgjatur marrëveshjen e tyre deri në vitin 2028. Siç ka ndodhur me rinovimet e mëparshme, klauzola e përfundimit do të vendoset në 1000 milionë euro, njofton Marca.
Militao nënshkroi për Real Madridin në dimrin e vitit 2019 pasi u largua nga Porto , duke zbritur në kryeqytetin spanjoll në verën e atij viti. Vetëm gjashtë muaj në Portugali i mjaftuan për të kaluar në La Liga.
Vendimi i radhës do të jetë kontrata e re me Lunin pa harruar angazhimin ndaj Benzemës , plus angazhimet me Valverden apo Courtois , Real Madrid do të sigurojë vazhdimësinë e shtyllës kurrizore për pesë vitet e ardhshme.