Ministri i Mbrojtjes, Ejup Maqedonci, ka pritur në takim komandantin e KFOR-it, gjeneralmajor Angelo Michele Ristuccia, i cili fillimisht i uroi ministrit Maqedonci sukses në punë gjatë mandatit të tij.
Nga ana e tij, ministri Maqedonci shprehu falënderimin për vizitën e tij, si dhe mirënjohjen për kontributin e KFOR-it, në shërbim të sigurisë së vendit, por edhe në sigurinë rajonale.
“Në këtë takim u bisedua lidhur me situatën e sigurisë në vend, ku të dy bashkëbiseduesit e theksuan se bashkëpunimi i ngushtë mes Ministrisë së Mbrojtjes dhe FSK-së me KFOR-in do të vazhdojë edhe më tej në kuadër të mandateve që kanë, në shërbim të sigurisë së gjithë qytetarëve të Republikës së Kosovës”, thuhet në njoftimin e këtij dikasteri.
Gjithashtu, ministri Maqedonci e njoftoi gjeneralin Ristuccia lidhur me proceset aktuale, si dhe synimet për të ardhmen, ku një ndër objektivat kryesore është integrimi në organizatat euroatlantike.