Federata e Futbollit të Kosovës nuk i ka pritur në takim klubet vendore të shtunën. Anipse një takim i tillë i ishte premtuar, burime të RTV Dukagjinit mësojnë që klubet nuk u pritën nga askush.
Madje, sipas të njëjtave burime, ato klube nuk do të priten në takim nga FFK-ja edhe të martën, sepse e njëjta federatë ju ka premtuar që gjatë kësaj jave do të kryhet përfundimisht “licencimi”.
RTV Dukagjini po ashtu mëson se kubet që kishin shprehur shqetësimin për “moslicencim” të FFK-së, nga MKRS-ka e mirëpresin lajmin, nëse do të ndodhë një “licencim” në mënyrë që ti gëzojnë benefitet financiare nga ligji për sponzorizim.
Burime të njëjta treguan se klubet do e mbështesin çdo kërkesë apo vendim të MKRS-së, dhe kërkojnë që sa më shpejtë FFK-ja ti plotësojë kriterat e parapra nga ligji i sportit.
Kujtojmë që kryetar aktual i FFK-së është Agim Ademi, i cili ishte zgjedhur në këtë detyrë në Kuvendin Zgjedhor të 6 prillit, ku nuk u lejua prania e mediave.