Instituti Hidrometeorologjik i Kosovës, ka thënë se të martën e 19 korrikut temperatura minimale do të sillen ndërmjet 9-15 gradë Celsius, ndërsa maksimalet e ditës parashihen të lëvizin ndërmjet 27-33 gradë Celsius.
Sipas Institutit Hidrometeorologjik të Kosovës, “situatë e ngjashme meteorologjike do të vazhdoj të vijoj edhe për gjatë këtyre pesë ditëve të parashikimit”.
“Të premten parashihet një çrregullim i përkohshëm i parametrave meteorologjik duke krijuar kushte për ndonjë rigë, por që temperaturat e larta mbi 30 gradë do të vazhdojnë edhe për javën tjetër, me tendencë të rritjes”, thuhet në njoftimin e tyre në Facebook.
“Do të fryjë erë nga drejtimi i verilindjes dhe jugperëndimit me shpejtësi 1-7m/s”.
Instituti Hidrometeorologjik i Kosovës ka thënë se kjo situatë e krijuar meteorologjike ka ardhur si pasojë e masave të nxehta të ajrit me presion të lartë atmosferikë.
Thirrje nga IKSHP-ja dhe IHMK-ja për kujdes për qytetarët që të shmangin kontaktin direkt me rrezet e diellit nga ora 9-17, ndërsa UV do të vazhdoj të mbetet i lartë.
Një mot i ngjashëm do të na shoqëroj deri në fundjavë.