Instituti Hidrometeorologjik i Kosovës ka parashikuar se java e parë e muajit nëntor do të vazhdojë me temperatura të larta të cilat në fundjavë do të kenë rënie të ndjeshme dhe reshje shiu.
Për të hënën është parashikuar të mbajë mot me diell, ndërsa në orët e para të ditës pritet të ketë mjegull. Temperaturat minimale do të lëvizin ndërmjet 2 dhe 5 gradë Celsius, ndësa ato maksimale prej 20 deri në 24 gardë Celsius.
Edhe të martën parashihet të mbajë mot i ngjashëm, vetëm se me më shumë vranësira. Temperaturat minimale do të lëvizin prej 3 deri në 5 gradë Celsius, ndërsa maksimalja e ditës do të sillet prej 21 deri në 24 gradë Celsius.
Ndërkaq të mërkurën dhe të enjten do të mbajë mot me diell dhe pjesërisht i vranët. Temperaturat minimale do të sillen prej 3 deri në 5 gradë Celsius ndërsa ato maksimale prej 19 deri në 23 gradë Celsius.
Të premten moti do të jetë më i freskët, temperaturat minimale do të sillen prej 4 deri në 6 gradë Celsius, ndërsa maksimalja e ditës do të lëvizë prej 17 deri në 19 gradë Celsius.
Derisa temepraturat e larta do të karakterizojnë ditët e javës, në vikend pritet të ketë kushte krejtësisht tjera meteorologjike, do të ketë rënie të temperaturave dhe reshje shiu. Po ashtu do të fryjë erë e lehtë deri mesatare nga drejtimi i verilindjes dhe jugperëndimit.