Mrekullitë dhe thesaret e Shqipërisë, tashmë do të jenë pjesë e një prej emisioneve më të famshme që e shikojnë miliarda njerëz, bëhet fjalë për emisionet e BBC-së.
Një lajm i tillë u bë i ditur nga kryeministri i Shqipërisë, Edi Rama.
Ai përmes një postimi në llogarinë e tij në rrjetin social Facebook, ka bërë të ditur spotin e një prej emisioneve më të famshme në botë të BBC World News, mbi thesaret e Shqipërisë turistike.
“Me kënaqësinë e veçantë të spotit publicitar të një prej emisioneve më të famshme në botë mbi thesaret e tokës, i cili ka një audiencë gjysmë miliardë shikues në vit, e më 21-22 janar shfaq ‘Mrekullitë e Shqipërisë’ në kanalin BBC WORLD NEWS, diçka e paimagjinueshme deri kur Shqipëria Turistike nisi të marrë formën që po i japim vit pas viti, ju uroj një fundjavë të qetë”, ka shkruar Rama.
Ndryshe, në videon e publikuar nga Rama, shihet gazetarja e BBC-së, Bettany Huges, e cila ka ardhur në Shqipëri për të realizuar spotin. Ajo në video ka thënë se Shqipëria është vend i mrekullueshëm dhe tokë enigmatike.