Analisti, Imer Mushkolaj në emisionin “Debat Plus” lidhur me sulmin terrorist në veri, ka thënë se në bazë të prezantimit të municionit dhe mjeteve tjera ushtarake, shteti i Serbisë është përgatitur për luftë në Kosovë dhe se ai armatim është futur për t’u shfrytëzuar e jo për tu kthyer mbrapsht.
Mushkolaj ka shtuar se “mund të tingëllojë brutale, mund të tingëllojë e pabesueshme, por të paktën bazu vetëm në atë armatim që ka prezantuar policia, nuk ka tjetër arsyeje”.
“Ajo që ka ndodhë. Dhe qato veprimet që i kemi parë sot, në kuptimin e prezantimit të municionit që është gjetur dhe të materialet e tjera ushtarake. Apsolutisht, që qojnë tek ajo që Serbia ka rol. Është çështje tjetër se si Serbia përpiqet me kamuflu, ose është përpjekur me kamuflu këtë rol. Por gjithë ai armatim i cili u prezantu sot, por besoj që ka edhe sasi të tjera që Policia veç është në kërkim për ti gjetur. Nuk janë aty kot. Ai armatimi është për me luftu.D.m.th armatimi që është prezantu sot, nga Policia e Kosovës është shenjë e qartë, se Serbia ka planifikuar luftë në Kosovë. Ai armatim që është fut në Kosovë është fut me u shfrytëzu, jo me u tërhek mbrapa. Logjikisht. Kështu që pavarësisht deklarimet zyrtareve, që mund ti ket bo qoftë Presidenti i Serbisë, apo autoritetet e tjera atje, qëllimi ka qenë, që në Kosovë të ndizet lufta. Kjo mund të tingëllojë brutale, mund të tingëllojë e pabesueshme, por të paktën bazu vetëm në atë armatim që ka prezantuar policia, nuk ka tjetër arsyeje”, ka thënë Mushkolaj.
Tutje ai ka thënë se si Policia e Kosovës ishte e përgatitur mjeshtërisht që të neutralizojë terroristët të cilët kanë luftuar dhe në anën tjetër duke e shmangur dëme në civil.
“Unë nuk e shoh të rastësishme sepse provokimi ka ndodhur, d.m.th fillimi i krejt asaj që përfundojë , qysh përfundojë, ka ndodhur në atë pjesë që ka ndodhur. Pse ka ndodhur në Banjst, Pse ka ndodhur afër Manastirit? Pse janë tërhjekur në Manastir? Kjo nuk është e rastësishme, gjithçka e planifikuar, qysh më parë. Informatat e Institucioneve të Sigurisë, më pas që I kanë pasur, d.m.th e përgatitur më para”, ka theksuar Mushkolaj.