Në Podgoricë, kryeqytetin e Mal të Zi, vendi i cili është anëtar i NATO-s, nacionalistët serbë kanë mbajtur një tubim në mbështetje të pushtimit rus në Ukrainë dhe duke kënduar këngë shoviniste për Kosovën.
Rreth këtij tubimi ka reaguar edhe deputeti i VV-së, Adnan Rrustemi, i cili ka thënë në një vend të NATO-s këndohen këngë “çetnike kundër Kosovës e pro Rusisë”.
Gjithashtu, edhe analist i Ballkanit Perëndimor nga Instituti i Evropës së Re, Jakub Bielamowicz, ka publikuar disa pamje ku shihen veprimet e serbëve.
Ai ka thënë se NATO po e injoron plotësisht kërcënimin që paraqet nacionalizmi serb në një shtet anëtar të saj.
“Pamjet urrejtëse nga kryeqyteti i Malit të Zi, Podgorica, ku nacionalistët serbë organizojnë një tubim në mbështetje të pushtimit të Rusisë në Ukrainë, duke kënduar gjithashtu këngë për Kosovën. NATO e injoron plotësisht kërcënimin që paraqet nacionalizmi serb në këtë shtet anëtar”, shkroi ai.
Në disa pamje të publikuara në rrjetet sociale dëgjohet një mbështetëse e këtij tubimi duke kënduar këngë puroshoviniste dhe nacionaliste për Kosovën, ku janë të mbledhur disa dhjetëra nacionalistë serbë.
Gjithashtu, në prapavijë shihet një flamur ku në hartën e shtetit të Kosovës është vendosur flamuri serbe, ndërsa, shihet edhe flamuri i Rusisë ku në të është vendosur shenja “Z”, e cila është një simbol i luftës së Rusisë në Ukrainë.
Odious footage from Montenegro’s capital Podgorica where Serb nationalists stage a rally in support of Russia’s invasion on Ukraine, singing also laments about Kosovo.
NATO completely ignores the threat posed by the Serb nationalism in this member state. pic.twitter.com/Vhi6TbSTZ9
— Jakub Bielamowicz (@KubaBielamowicz) February 12, 2023
