Ministrja e Arsimit, Arbërie Nagavci, ka njoftuar se 12 drejtime të shkollave sipas modelit të vendeve gjermanishtfolëse, për ta harmonizuar shkollimin me tregun e punës.
“12 profile në arsim të dyfishtë! Shumë i lumtur që katër profileve të vitit shkollor 2022/2023, po i shtojmë tetë profile të reja në vitin shkollor 2023/2024. Tani jemi duke u zgjeruar në 21 shkolla në 13 komuna të ndryshme”, ka shkruar në Twitter e para e arsimit në Kosovë.
Më tej ajo ka njoftuar se ka mbajtur një takim koordinues me përfaqësues të bizneseve për të identifikuar profilet e nevojshme për to dhe tregun e punës
“Së bashku me kryeministrin e Kosovës Albin Kurti dhe ministren e Ministrisë së Industrisë Ndërmarrësisë dhe Tregtisë, Rozeta Hajdari, biseduam sot me përfaqësues të bizneseve në sektorët e përpunimit të drurit dhe të ushqimit dhe pijeve për të identifikuar profilet e nevojshme për to dhe tregun e punës”, ka shtuar ajo.
“Falënderim i veçantë për bizneset, grupet e punës, shkollat dhe të gjithë ata që po mundësojnë zbatimin e arsimit dual sipas modelit të vendeve gjermanishtfolëse”, ka përfunduar ajo.
💚 12 profiles in dual education!
Very happy that to the four profiles of the 2022/2023 school year, we are adding eight new ones in the 2023/2024 school year. We are now expanding to 21 schools in 13 different municipalities. 1/3 pic.twitter.com/25A1ZXZw66
— Arbërie Nagavci (@arberienagavci) July 20, 2023