Gjykata e Themelore e Prishtinës ka caktuar 30 ditë paraburgim ndaj zyrtarit të Ministrisë së Mjedisit, Planifikimit Hapësinor dhe Infrastrukturës (MMPHI), Naser Hafizi, i cili u arrestua në Aeroportin e Prishtinës gjatë së enjtes (dje).
Arrestohet në aeroport Naser Hafizi i dyshuar për korrupsion
Avokati i tij, Shpëtim Mehmeti, ka konfirmuar për KALLXO.com se vendimi i gjykatës për caktimin e masës së paraburgimit do të apelohet.
“Kërkesa është aprovuar për caktimin e masës së paraburgimit, të njëjtën kemi me ankimu dhe me i ndjek procedurat ligjore. Diskrecioni i gjykatës është ai i cili ja falë besimin prokurorisë ose nuk ja falë e në këtë rast ia ka falur, ju ka caktuar masa për 1 muaj”, ka thënë avokati Mehmeti.
Naser Hafizi akuzohet për keqpërdorim të detyrës apo autoritetit zyrtar, shpëlarje të parave dhe mosraportim ose raportim të rremë të pasurisë dhe detyrimeve financiare.