Dita në çfarëdo moti, nis kështu.
Kadetët, që kanë kaluar shumë teste, tash janë pjesë e marshimit të përditshëm e qëllim kanë që shumë shpejt të bëhen zyrtarisht pjesë e Policisë së Kosovës.
Himnin e Policisë së Kosovës e thonë një zëri e urdhrave të eprorëve të tyre i binden pa pertes.
Në klasën në të cilën ka zgjedhur ekipi i Dukagjinit ta ndjek, ka diversitet, e ekipa se ka fare problem të funksionoj me etnicitete të ndryshme.
“I kemi dikun 120 kadetë që i përkasin komuniteteve ku 80 nga ta i përkasin komunitetit serb, 23 nga komuniteti boshnjak, gjashtë të komunitetit turk ndërsa pjesa tjetër komunitetit ashkali, egjiptian etj”, ka thënë Rrahman Fazliu –Shef i sektorit për trajnime themelore.
Në kuadër të ushtrimeve është edhe improvizimi i një aksident trafiku ku kadetët po merren me menaxhimin e vendit të ngjarjes.
Gjithçka mësohet aty, nga shenjzimi i vendit të ngjarjes deri tek bërja e skicës së rastit për ta dërguar në prokurori.
Këta kadet që pritet të jenë gjenerata e 62 e Policisë së Kosovës këtu mendojnë edhe përdorimin e armës.
Aty improvizohet një rast ku kadetë, reagojnë ndaj një personi që dyshohet që bartë armë zjarri.
Një pjesë e trajnimit të gjeneratës së 61 të kadetëve të Policisë së Kosovës është edhe fusha e shkathtësive operative dhe taktikat mbrojtëse.
“Të gjithë kadetët të cilët do ti nënshtrohen këtij trajnimi të Policisë së Përgjithshme duhet të kalojnë ndërmjet këtyre proceseve që të jenë të aftë që ta fus situatën nën-kontroll kur has në ndonjë rezistencë pasive apo aktive”, ka thënë Mensur Ganiu – Rreshter.
Aktiviteti fizik intensiv si në këtë rast është pjesë e përditshmërisë së tyre dhe rritë aftësitë për tu përballuar me situata sfiduese që mund të hasin në terren.
Ky trajnim intensiv zgjatë 12 javë për çka të rinjtë që presin të bëhen polic trajnohen për fushën e hetimeve, policinë kufitare, Policia kufitare, fusha e shkathtësive operative dhe taktike mbrojtëse dhe fushën e trajnimeve për armët e zjarrit.